Ngarapke Gajian dari Fb Pro

HARIANBANYUASIN.COM - Banyak laki bini bukan cuma ribut soal ekonomi, selingkuhan atau adenye urang ke tige.

Tapi lebih parah lagi ribut gara-gara handphone.

"Ai gawat nian kanti mak ni ari ko, gara-gara sibuk megang hp, laju lupe ngidupke sumbu kompor padahal ari lah petang, sibuk dengan Fb Pro," rutuk Wak Uban.

BACA JUGA:Tak Pacak Makan Lemak

BACA JUGA:Teminum Dikopi Masin

Tesenge Wak Barab. "Jangan-jangan tak endak masak nian kalu kanti, karne dikongkonye meli bukean di luar, maklum betine mak niari lah hebat gale," tanggap Wak Barab.

Setuju nian Wak Uban nengar komentar Wak Barab. Lebeh pegel ati lagi, kapan dikongkon masak laok, satai bae die jawab. 'Banyak jualan laok di warung Nasi mileh be, nak laok ape,'

"Untunglah kanti nasib lagi mujur, dapat rejeki nomplok dari bejual petai, idak buntu nian, langsung be ngidupke motor biiis pegike warung makan, meli laok," uji Wak Uban.

BACA JUGA:Selera Tinggi, Awak Loyo

BACA JUGA:Dapat Rezeki Nomplok

Tak banyak komen lagi Wak Barab. "Masih mending ade lokak, kalu kanti kamek tu, tiap waktu ngarapke gajian dari Fb Pro, hinggenye segale gawe dijadikenye konten," senge Wak Barab. 

"Oh, pantaslah aku nonton, ade yang bejoget-joget, ade juge saling tutus, ade ribut due blaki bini, rupenye konten bae, nah mencari perhatian urang, mak ji base kamek tu, mintak alam, tapi mintak alam mencari duet," sindir Wak Uban.

Sumber: