Harte Warisan

Same harapan Wak Barab dengan urang lain, supaye anak sukses. "Sebenarnye tegantung niat kanti, kapan niat baek hasilnye baek pule, idak katek halangan," uji Wak Barab.

Setuju nian Wak Uban nengarnye. "Benar nian kanti, kapan ade kendak ade pule jalannye, soalnye rezeki tak pacak ditebak, ape lagi lokak," simbat Wak Uban sambil tesenge.

Wak Barab nyimak omongan Wak Uban. "Mak ibarat nyekolahke anak sampe ke peguruan tinggi pacak ko, tapi sebelumnye kite tak tepikir, karne banyaklah buntunye dari beduet," timpal Wak Barab.

BACA JUGA:Teirup Dicuke Pempek

BACA JUGA:Tepeci ke Naseb Sial

Jempol due ikok diacungke Wak Uban. "Banyak kanti urang beduet, beharte, tapi belum tentu pacak mak kite, karne kite mikirke masa depan anak, bukan nak beduet, tapi anak jadi preman," jawab Wak Uban.

"Kadangtu bak beduet, anak tak endak sekolah, anak nak sekolah bak ngakunye tak katek duet, banyak masalah laen penyebabnye," uji Wak Barab.

Tapi Wak Barab bangga pacak nyekolahke anak, karne warisan harte tak pacak jadi jaminan.

BACA JUGA:Ngarapke Gajian dari Fb Pro

BACA JUGA:Tak Pacak Makan Lemak

"Inilah warisan yang pacak bak dengan umakmu berekke, karne dari sinilah dapat nuntun kamu jadi urang sukses. Harte tu ade, cuma tak banyak, kalaupun banyak tapi tak cukup, kalau pun cukup takut tak adil, kapan tak adil laju berebut, kapan berebut laju tak akor, kapan tak akor saling jahat ke," Uji Wak Barab.

Wak Uban ngangkat Jempol. " Lah banyak kanti contohnye, tapi kalu ilmu yang diwaris ke, ade jalan idup kedepannye, tapi jangan be Ilmu pelet, dem ancur aku, kagek banyak gine betine begentel, jangan be nurut ebakmu dulu banyak pelinjangan," sindir Wak Uban.

Sumber: