Bini Renyeng

"Kalu uji kantiku, bini galak ngoceh, renyeng, galak merajok, itu cirinye die perhatian dengan kite, dengarke be kalu die ngoce, jangan dijawab, mati melawan ras terkuat di dunia tu," uji Wak Barab.

Tak setuju nian Wak Uban dengan pendapat Wak Barab. "Kalu bini renyeng pening palak, dudok salah bediri salah, ade duet salah, ape lagi katek duet selalu di rutu'i," rutuk Wak Uban

Tesenge Wak Barab. "Cube kau bayangke kanti kalu bini kite diambe, segale gelagat kite tak diagu'i, kite bejudi slot die diam, bepujaan dibelakanye die diam, keluar malam tak jelas die diam, Miras die diam, nak jadi ape rumah tangge kite, pacak ancur lulor," uji Wak Barab.

BACA JUGA:Singa Betine

BACA JUGA: Jaman bingen

Rupenye merenung Wak Uban, lame-lame die baru ngerti. "Iye nian kantikan, banyak juge hikmahnye kalu bini tu renyeng, jadi kite pacak ngampat diri, karne selalu diingat kenye," timpal Wak Uban nganca'i jempol.

Setuju Wak Barab. "Banyak urang ngomong bahwe kite takut dengan bini, kalu ngateke bini melawan, itu salah besak. Cube jantan kalu die megang duet abes tulah, tak jelas kemane duet dibelanjeke," ucap Wak Barab disengeke Wak Uban

"Ye nian ken, tapi kapan duet di tangan betine, beres gale, balek trompek makan, trompak ngopi, trompak ade baju baru untuk kite, sagale belanje dapur lengkap, kite tinggal dudok manis be," sergah Wak Uban.

BACA JUGA:Harte Warisan

BACA JUGA:Teirup Dicuke Pempek

"Jadi berungtunglah laki ade bini renyeng, galak berutuk, karne  ngingatke tubo lakinye, kalu die diambe, alamat bakal kelebu perau, pengayu anyut tengah aek, pengemudinye ilang kendali. Dem hancur dunia," kate Wak Barab.

Sumber: