Teminum Dikopi Masin

Pening nian palak Wak Barab, makan tak selera, awak tambah ramping, gigi banyak oger, mate kabur, tapi kapan bebunyi mati setetak mintak beli ke rokok Gp tula katek yang lain.

"Dek belike rokok Gp, buat ke kopi, kakak ni lapar. Makan tak selera, tidok tak endak," uji Wak Barab ngongkon bininye belanje ke toko sebelah.

Kapan nengar kongkonan lakinye, endak tak endak nurut tula bini Wak Barab melike rokok Gp, walaupun berutuk bengengam di tengah jalan sambil teberngut tebecatut.

BACA JUGA:Selera Tinggi, Awak Loyo

BACA JUGA:Dapat Rezeki Nomplok

"Kendak ku tu berentilah ngudut dengan ngopi, awaktu lah tue, agek kene penyakit, awak lah kurus kering. Amon berenti, kalu nian sehat agak gemuk dikit awaktu," rutuk bini Wak Barab sepanjang jalan.

Di toko tadi rupenye bini Wak Barab ngerumpi dulu dengan kanti-kantinye sampe be jam-jam lamenye, maklum care betine, kapan lah becakap sesame die tak ingat lagi dengan waktu.

"Lah alangke lamenye meli rokok ni, ape melinye di plembang sane, kene macet barangkali, lah bejam-jam tak nongol. Tepakse mbuat kopi dewek, kalu nak nunggu, sampe magrib tak balek-balek," kesal Wak Barab.

BACA JUGA:PWI Banyuasin Ikuti Rangkaian Acara HPN di Provinsi Banten

BACA JUGA:Bank Sumsel Babel Hadir di Pusat Pelayanan Terpadu KTM Telang, Bupati Askolani Tegaskan Komitmen Pelayanan

Laju Wak Barab pegi ke dapor rencana nak mbuat kopi. "Oh, ini kalu gule ni, kopinye di mane pule tempatnye. Oh kalu bekakas itam ini kopinye," uji Wak Barab sambil berutuk dewek di dapor.

Karne tak sabar lagi, sudah diaduk, langsung diirup Wak Barab. "Cacam ngape masin bedekit ni, ranang gorokan keprinye, ape die yang aku aduk tadi," uji Wak Barab sambil ngacar mencari aek puteh.

Kapan diperikse Wak Barab rupenye yang diaduknye dengan aek panas tadi uya alus dicampur dengan petis. "Lantak kau, inilah akibat mate sibuk nonton drama Korea, laju salah selera hahaha, gawe buyan tadi," senge Wak Barab

Sumber: