Cak Kepakaman
Wak Barab--
HARIANBANYUASIN.COM - Hinggenye alangke begaya kanti Wak Barab sikok tu, amon nak mencari urang rumah sikok lagi lah pantas nian.
Gayanye pecak urang suge, awak besak tinggi, bejebot, kelpe dikantong belakang tesenggang.
"Entah kanti, ape kelpe tu berisi duet ape, cuma kertas, amon isi duet pasti banyak rikinannye, amon due juta ceto, tapi dak tau kite kalu gaya bae," uji Wak Uban.
BACA JUGA:Kongkong Juri Makan Sambal Pirek
BACA JUGA:Tak Kwawe lagi
Rupenye Wak Barab tak heran lagi. "Memang dari dulu gaya kawan kitetu kanti, kapan ngomong hebat nian mulai dari becakap dalam negeri sampe ke luar negeri, ape lagi kalu begesa banyak jande di luar negeri tau nian," sindir Wak Barab.
Wak Uban Ngancai jempol due ikok. "Gaya tak salah-salah bukan maen mak urang pintar, beduet, suge, kapan becakap, segale urang hebat kantinye gale, Sianutu kantiku, kakakku, sanak ku. Kapan dikeperke rokok, sekendak perut bae ngisapnye," uji Wak Uban.
Tesenge Wak Barab. "Cak kepakaman pule, ngajak makan di Warung Padang, pesan nasi lauk sayur nagke bae, 'kk ni lah malak makan laok lemak'. Rupenye kapan dikrinake ke buntu," timpal Wak Barab
BACA JUGA:Sambal Petai
BACA JUGA:Nak Merobah Nasib
"Dem kanti maseh tekene di kite tula, alangke pakam kanti kite sikok tu, gaya tak salah-salah, sepatu keren, baju mahal, span necis. Kapan nerime telepon langsung merngut, tak setuju, rupenye urang nage utang, karne bekakas dipeketu kredit gale," kelakar Wak Wak Uban.
Sumber:
- Share:
