Tak Pacak Makan Lemak

HARIANBANYUASIN.COM -  Masuk puase pertame Wak Barab idak mintak makanan lemak waktu saurnye.

Die mintak masakke gangan telok bulat, maklum tak lagi pacak ngunyah yang keras-keras.

"Kalu lagi mude dulu, dipantak gale kanti, ape lagi palak baung, palak ruan, laju gale, asak bae jangan palak keli dan palak betok, kapan tegigit pacak bekabaran patah gigi," uji Wak Barab ngenang masa mudenye dulu.

BACA JUGA:Teminum Dikopi Masin

BACA JUGA:Selera Tinggi, Awak Loyo

Tesenge Wak Uban. "Namenye lagi mude kanti, banyak pliuran, apelagi gangan palak iwak kakap, bedengop gemeratak bunyi gigi ngunyahnye, maklum gigi maseh melawan," simbat Wak Uban tesenge.

Amon lah tue, idak lagi pacak makan basing tangop. "Amon nyelek bukean di kalangan teliur, banyak nian makanan, ade gomak, kepelan, bongkol, rangi, lakso, burgo, camam kanti, teliur nian ko," timpal Wak Barab.

"Itu makanan lemak gale kanti, cuma gomak dengan kepelan nak ati-ati makannye, sisip dikit pacul gigi karne lengket dimakanan tu, kalu lakso dengan borgo sampe tekirab batok piring kepri lemaknye, cube be ko," cerite Wak Uban.

BACA JUGA:Dapat Rezeki Nomplok

BACA JUGA:Ramadan, Harga Bahan Pokok Banyuasin Stabil, Stok Pangan Dipastikan Aman

"Sudalah kanti jangan nemen gine cerite makanan lemak ni, kite nak ngurangi lemak/gaje di awak, kau raseke dewek kapan makan makanan tubo dulu, bedesau rase awak angat dingin, karne kolesterol, darah tinggi, campur aduk penyakit," simbat Wak Barab.

"Ai pacak nian kau ni kanti, kalu makan tak banyak lagi selera, tapi kapan benyanyi di atas panggung bekenyit mak ulat bulu, kapan ngakunye jiwe mude, Pret, awak kapan sudah nyanyi mengas, ngilu gale palak lutut," sindir Wak Uban.

Sumber: