Salah Jalan Keluar

PANGKALAN BALAI, HARIANBANYUASIN.COM - Biaselah Wak Barab galak ngelantur, kapan bejalan dengan keluarganye ke Plembang, masuk gang ini, gang itu, cak kepakaman, laju salah sasaran gara - gara ngiringke urang dari  belakang.

 

"Nak kemane kiteni, belok kiri-belok kanan ngiringke mobil urang dari belakang ni, agek salah jalan," uji bini Wak Barab negurke lakinye asak nyupir bae.

 

Tersenyum be Wak Barab, maklum ujan deras, ari malam kelman pule, cuma tepandang arah jalan karne sinar lampu mobil tula, bunyi petir tamtum. Gang banyak di kota Plembang ni.

 

BACA JUGA:Madu Asli

 

"Diam be turut ke urang ni, kite nak mencari jalan keluar ke jalan besak. Urang depan tu same be mak kite, nak keluar dari gang juge," jawab Wak Barab.

 

Bini Wak Barab laju berutuk panjang. "Kagek nurut ke urang ni, kite milok salah jalan, laju nyasar ke mane-mane," simbat Wak Unah bini Wak Barab.

 

Urang di depan rombongan Wak Barab langsung stop, nyeleke Wak Barab tetus ngiringke die, sopirnye turun mawe besi panjang. "Nah, balak ini, pecaknye urang tu turun mawe besi, jangan-jangan begal, payo berenti dulu, kite" jawab Wak Barab.

 

Sumber: