Darah Tinggi

"Nak mintak kateke gagah tadi. Padahal kalu lah dilayani tekepor. Maklumi bae kanti, mak ni ari dak katek urang nak dikateke tue. Padahal rambut lah puteh, mate lah kabur, kulit lah keriput. Hahai do," simbat Cek Leha.

 

"Tapi kalu mamang kite sikok ni, besak tinggi, maseh mude, badan sokot, belagak pule, puteh mak urang barat tak disangke kalu pacak saket juge ken. Padahal pecaknye segar bugar mak pisang baru masak di batang," celetuk Mang Jau.

 

BACA JUGA:Naseb tak Betuah

BACA JUGA:Sangkan Ji Ku

 

Wak Uban laju menganggapi omongan Mang Jau. "Kalu penyakit tu, pacak nimpe siape be kanti, karne penyakit tu tak diundang, die datang dewek, kalu yang pacak diundang tu, urang nak hajatan, nak ngawinke, nak sedekah, baru ade undangannye," oceh Wak Uban.

 

Nak tetawe Wak Barab nengarnye. "Oh Mak itu kanti ye, cacam, pacak nian kau bekelakar ken. Tapi kalu urang kene penyakit ati mak manelah. Apelagi kalu lagi galau, apelah ubatnye," tanye Wak Barab.

 

BACA JUGA:Tergantung Cetakan

BACA JUGA:Nutup Mate

 

"Jangan nak ngelantur kanti, penyakit darah tinggi bae, masuk rumah sakit, kalu kene penyakit ati, jangan dibawe ke rumah sakit. Tapi bawe ke hiburan, dakkan galau lagi," uji Mang Jau yang maseh bujang belum nak bebini.(*)

Sumber: