Naseb tak Betuah

PANGKALAN BALAI, HARIANBANYUASIN.COM - Cek Leha temangu nengar omongan langganan warungnye merase tak harmonis. Padahal apelagi kurangnye, rumah besak, harte banyak, bini belagak. Tapi sayang selingkuhan banyak.

 

Inilah membuat rumah tangge bibik itu laju dipersimpangan jalan. Cacam Cek ye. Nak diapek lah uji kau.

 

Biaselah Wak Barab CS kalu nengar cerite dari betine bukan maen nak diaguk`i nian. Nak tau nian, dari ujong sampe ke pangkal. Maklum dang ngomong dengan ratu gosif, jadi ceritenye menarik, bukan narik buling kerbau atau buling sapi… hehehe.

 

“Itulah kanti, retinye idup suge tu tak jadi jaminan. Buktinye kanti Cek Leha tu, duet banyak, kebon libar, mobil belagak, rumah besak, tapi rumah tangge tak harmonis. Gara-gara “ada dusta diantaran mereka” akhirnye tak romantic lagi,” tutur Cek Leha.

 

Nengar omongan Cek Leha, langsung tesenge Wak Uban.

 

“Ai cacam kanti ye, alangke sedihnye ken. Seharusnye kalu idup tu lah lemak, makan juge banyak, tidok pacak nyenyak," simbat Wak Uban.

 

"Tapi kalu lah tak harmonis lagi, laju rumah tangge tekoyak, anak bini laju berayak. Laju idup tak layak, sedih juge nengarnye,” tanggap Wak Uban sambil temangu.

 

Sumber: