Teirup Dicuke Pempek

Gara-gara nak cepat bebuke, cuke pempek disangke Wak Barab kopi itam, laju kekejajai mulu Wak Barab, abang bibernye keangatan, sebelumnye bibir warne balar lenter.

"Payo uy ambekke es atau kopi, bibir ku ni angat, gara - gara salam minum, nak minum kopi tetumpa di cuke," uji Wak Barab kepedasan sambel mengas.

Laju buke kemarentu jadi erok, gara-gara minum cuke, bini dengan anak, menatu Wak Barab teberangak nengarnye, nak tetawe agek banye tesinggung, laju noleh sambel bediam.

BACA JUGA:Tepeci ke Naseb Sial

BACA JUGA:Umor Tue Buatlah Adan

"Makenye betanye dulu, jangan baseng selantup bae, cak hebat nian cuku be dilantak, untung cuke pempek, kalu cuke parah tadi meletup gale biber," tegur Bini Wak Barab disengeke anaknye.

Nak marah Wak Barab. "Aku nyelek makanan buke tu mantap nian, ade pistel, ade tapai, ade bongkol, kepri seleranye, aku tak pasat lagi nyelek cuke, perasaan ku kopi itam, karne pandangan tetuju ke makanan lemak," alasan Wak Barab.

"Dem jangan pule behoji nian kamu makan tu Bak, kalu kagek kekenyangan laju kebengkayangan, laju  lupe sembayang Magrib, nambah dose be," tegur abak Wak Barab sambil tetawe. 

Sumber: