Tepeci ke Naseb Sial

"Nak sabar nian jadi urangni, kalu tak sabar dem pacak begoco cuma gara-gara ngantri minyak solar di POM Bensin," uji Wak Uban.

Tesenge Wak Barab. "Care urang banyak kanti, ngakunye nak begancang, jadi kadangtu baseng seruduk yang penting dapat giliran, tak tau kalu gilirantu nyalip urang didepannye, laju ribut" tanggap Wak Barab.

Wak Uban nganca'i due jempol. "Namenye ngantri dak katek yang lemak kanti, ape lagi ngantri makan di kondangan, kawan yang paling dulu dapat gale, daging, ayam, telok, kite paling belakang cuma dapat kuah dengan aek minum," kelakar Wak Uban.

BACA JUGA:Umor Tue Buatlah Adan

BACA JUGA:Tesenggol Sarang Tabuan

Omongan katinye diberke Wak Barab. "Tapi karne malu waktu ditanye kawan, ngape cuma kuahnye dengan aek puteh bae, jawabnye lah malak makan ayam, tak pacak makan daging dengan telok karne darah tinggi," uji Wak Barab.

"Ah alasan be, awak milok ngantri keabesan laok, maseh untung, karne sempat merase ke kuah daging, kalu prasmanannye lah diangkat urang gale, laju angop, aplop Rp 5000, wajar tak dapat makanan lemak wkwkwk," sindir Wak Uban.

"Itulah kanti kalu naseb lagi sial, setambun makanan di meja prasmanan, kite cuma tebage kuahnye, tapi kalu baek nasib, kite didudokke urang paling depan tinggal mileh be makanan," timpal Wak Uban.

Sumber: