Nak Merobah Nasib

"Beguyur be kanti, maklum care baru pacak betanaman, kalu urang lame lah banyak pengalaman, karme pemaen lame, kalu kite pemain baru, tapi urang lame," uji Wak Barab.

Tesenge Wak Uban. "Care yunior, kapan baru belajar tu, baru nak pacak, tapi kalu lah pacak jangan nak ngolake kanti. Biasenye kalu urang lah hebat dibudikenye kite, soalnye die lah pakam," simbat Wak Uban.

Agak teberngut Wak Barab. "Kalu kite bekanti, idak nak saling kolake kalu same sare, tapi kalu sikok lah berhasil, kadang tu, dipanggil be tak noleh, ape lagi nak merek lokak," uji Wak Barab 

BACA JUGA:Bini Renyeng

BACA JUGA:Singa Betine

"Lah benar pule kantiku ni, jangan ke negur, kite betandang be dia cuek, antare endak dengan idak begesa dengan kite, mak dak kenal, kite ngomong die ecak-ecak ngola HP," celoteh Wak Uban.

Amon Wak Barab lah paham nian. "Care urang hebat kanti, tak tau disejarah. Amon same-same bos ramah nian becerite, entakke urang susah ngajak salaman be melengke rai," timpal Wak Barab.

"Makenye kanti, kalu pacak anak  kite sekolahke supaye jadi urang hebat, jadi kite idak dipandang redah lagi kalu anak kite jagi plisi, jadi TNI jadi guru, jadi bos, boroba manga urang nyeleknye," kenang Wak Uban.

BACA JUGA: Jaman bingen

BACA JUGA:Harte Warisan

Setuju Wak Uban. "Uy anak si anu tu kan, mak ni ari lah jadi urang hebat, padahal bak dengan umaknye nyekolah ke anaknye mantang paroan, baknye tamat SD, umaknye tak sekolah," diibarat ke Wak Barab.

"Iye nian kanti, kalu tuhan nak ngangkat harkat martabat urang mudah nian, idak ebaknye, anaknye, taktu cucongnye, tapi usaha, ihtiar dan terus bedoa," aku Wak Uban.

"Itulah kanti hasil kerja keras kite, tapi kalu idup penyegan, makan nak lemak, duet nak banyak, mencari idak, ngudut ngepus mak sepur, kapan ditegur bini merengas, mak mane nak lemak idup," sindir Wak Barab.

Sumber: