Naseb tak Betuah

Cek Leha juge sedih menceritekenye. “Itulah kanti kalu dapat harte, dapat duet dari hasil gawe tak benar. Laju rumah tangge tak benar pule. Maknye kalu mencari lokak tu jangan nganar, make prinsif lime “H” (Halal, Haram, Hantam, Hak Urang, Hak Kite), tuhan tu adil,” uji Cek Leha.

 

Wak Barab awalnye ceria laju milok kusut pule. “Itulah naseb kanti atau suratan tangan tak bagus," ujar Wak Barab meresapi omongan Cek Leha.

 

"Harapan tadi banyak harte idup tenang, nyatenye idak. Soalnye dak katek yang tau naseb urang, hanya tuhanlah yang tau. Tapi kalu harge barang, harge kontrakan pacak ditebak,” tanggap Wak Barab.

 

“Dem kanti jangan lagi kamu ceriteke naseb budak tu, aku dak tahan nengarnye. Kagek aek mateku ngalir terus, ape kamu sanggup nampungnye pake ember. Itulah gawe dunie kanti, mak kate urang tu, harte, tahte, betine itulah pokok permasalahnnye,” cerite Cek Leha.

 

“Dem Cek, lemaklah idup dewek mak kau tu, mencari dewek, belanje dewek, makan dewek, tapi jangan be bejalan malam dewek, agek laju disanke ABG cewek. Nah, barabe laju, tak pacak lagi nak belanje di warung mu,” kelakar Wak Barab.(*)

Sumber: