Bujang Tue

Karne lah tau dengan watak kantinye, Wak Barab kurang percaye.

 

"Kalu memang lanang hebat, lanang tanggung jawab langsung melamar ajak bak tu, tapi kalu takut, kamek jadi sekedar pak comblang," uji Wak Barab.

 

Nah Wak Uban setuju. "Aku setuju kanti, kapan lagi, umur lah tue, madak'i tak tecari betine sikok be. Kapan bebunyi, kagek, tunggulah, kapan lagi kanti," tanye Wak Uban.

 

"Kalu tak tahan tiap malam tidok dewek, meluk bantal, ngitung kasau di atasi bubungan," sindir Wak Uban terang -terangan.

 

Nengar omongan kantinye, pening palak budak sikok tu. "Kalu kamu tak percaye seleklah, taun depan aku lajuke," uji Wak Barab.

 

"Amon kamu lah ngolake terus. Aku tak tahan juge burok tegantung, lelayut, teklewer selamenye,"  kelakar mamang sikok tu sambil berangkat nak mencari lokak.(*)

Sumber: