Bujang Tue

PANGKALAN BALAI, HARIANBANYUASIN.COM - Tesenge bae Wak Barab nyelek kantinye wara - wiri mencari lokak, pada hal katek yang ditanggung, bebini belum, anak dak katek, idup dewek. Tapi gesit nian kalu soal mencari lokak.

 

Wak Uban memang salut nyelek kantinye budak mude sikok tu.

 

"Cacam aku akui juge kanti sikok tu, kalu soal mencari duet, pintar, bekelas. Tapi sayang percuma bae awak blagak, duet banyak, kalu maseh bujang, sisip dikit laju ngantung ke raket sikok tu," cerite Wak Uban.

 

Rupenye cerite Wak Uban nyambung dengan Wak Barab.

 

"Itulah kanti sayangnye, kapan bejalan dewean terus, tak teselek ade pendamping, kapan ditanye kapan kawin, jawabnye taun depan," uji Wak Barab sambil nyeling-nyeling mang mamang sikok tu. 

 

Rupenye tesinggung mamang sikok tu terti Kendal Wak Uban Cs.

 

"Payo berhentilah kanti ngupat aku ni, base aku ni lah ade pasangan tinggal nunggu kepastiannye bae. Kapan tepeci ke hari H nye langsung laju," uji Mamang Sikok tu sambil disenge ke  Wak Barab.

 

Sumber: