Selera Tinggi

PANGKALAN BALAI, HARIANBANYUASIN.COM - Walau lah tue, tapi mate Wak Barab maseh pasat. Baek siang malam ape bae diseleknye terpandang gale. Besak, kecik asak di depan mate tebace gale. Ai Wak, kalu mudike.

 

Sebenarnye katek resep khusus Wak Barab nyage matenye, cuma die tak pernah minum obat kimia. Paling minum ramuan ape bae, asak tepeci laju gale.

 

"Obat paling bagus dari ramuan kanti, ramuan ape bae pacak dibuat obat. Asak bae jangan ramuan untuk negak rumah, patah gigi melantaknye," uji Wak Barab sambil makan pempek gendum campur sagu.

 

Teliot-liot Wak Barab ngucah pempek, maklum gigi tinggal due batang.

 

"Ati-ati bae kanti, kalu gigitu lengket di pempek, masuk perut nah, gawat laju," tegur Wak Uban.

 

Tesenge Wak Barab nengar omongan Wak Uban. "Itulah namenye seleratu maseh tinggi, tapi maseh tak banyak tula, gigi tue ni banyak goyang kanti," uji Wak Barab.

 

"Sisip dikit tak terase pacul, kapan ngigit rupenye tegusi. Dem setaunlah ngunyah pempek tak abes-abes," kelakar Wak Barab.

 

Sumber: