Pesan Urang Tue

Nah, alangke setuju Wak Uban nengar omongan Wak Barab mak rase disiram batu es ati Wak Uban kepri dinginnye.

 

"Ade pule nyanyi tu, hormati gurumu sayangi teman, itulah tandanya kau murid budiman. Lagu itu selalu disanjung. Keperi bagusnye," tanggap Wak Uban.

 

Tapi di zaman mak ini ari pecaknye lah luntor gale.

 

"Ape lagi zaman media sosial mak ini ari, kapan curhat ke medsos, kapan benci dengan urang di masukke di FB, di WA," oceh Wak Uban.

 

"Sekendak be ngatei urang. Ade gara-gara dendam pribadi. Ade juge memang lah gawe nian. Tukang sindiri urang. Tukang ngumpat urang, ape die lah ken untungnye," sindir Wak Uban.

 

Wak Barab tak heran lagi dengan gawe urang mak itu.

 

"Itulah manusie kanti, banyak nian siafatnye. Tak perlu laju nanggapi gawe urang tu. Sebab baek nurut kite, belum tentu baek menurut urang," uji Wak Barab. 

 

"Makenye kalu idup nak tenang, berbuatlah yang baek-baek supaye rezeki lancar. Rumah tangga tenang. Anak pacak belanje," komentarnye lagi.

Sumber: