Bujang Tue

"Kapan lah Jang kau ni bebini ken, awak lah cukup umor, tapi aku selekke katek nian betine kau bonceng bermotor, kapan beboncengan Lanang same lanang. Uy, bebenar bae dindo," sindir Wak Uban.

 

Ai, Wak Barab tambah libar senyumnye, pacak nian ngola ke urang.

 

"Dem kanti jangan bae buruk tegantung, kalu sanggi burok tegantung tu, dak pacak lagi nak nanggok iwak, kapan dibawe ke aek, langsung tebuyar," kelakar Wak Barab.

 

Tak banyak cerite lagi Mau Jau dikolake Wak Barab abes-abesan.

 

"Kagek kanti, aku bebini tula, tapi kalu aku bebini, ape kado kamu. Mak pakam nian ngolake aku bujang tue, burok tegantung," jawab Mang Jau.

 

Nah kamu, langsung tediam kanti Wak Barab dengan Wak Uban.

 

"Itulah yang jedi masalah tu kanti, Mak mane nak merek kado, kalu calon be belum ade," kate Wak Barab.

 

"Kami lah siap gale, praweding lah sudah, siap gale kadonye. Ape petai sekebat, ape jering secanting. Kalu dak tu, tempoyak sekolah," uji Wak Barab sambil ngajak Wak Uban pegi karne ikan lah rere.*

Sumber: