Nak Dipuji

"Cube berasan dengan Wak Barab kalu die Idak buntu. Karne Wak Barab ni buntu tak buntu maseh mak beduet," saran Mang Mang Mul.

 

Namenye Wak Barab banyak kelakar.

 

"Kalu buntu tu jangan ditampakke dengan urang, ape lagi dan lapang jangan teselek dengan urang, jadi urang tak tau kalu kite lagi buntu," uji Wak Barab.

 

"Tapi kalu sekedar rokok sebungkus gampang, berutang bae di warung Bu De," alasan Wak Barab tak galak ngeluarke duet karne buntu.

 

Langsung dijawab Wak Uban. "Gampang soal mayarnye, siape yang dulu dapat lokak die yang mayarnye," kelakar Wak Uban.

 

"Soalnye mang Napi ni belum bae begerak, kalu lah bekendak, tabek gale urang dengan die. Maklum Jok toke besak," uji Wak Uban.

 

Nengar omongan Wak Uban langsung mang Napi ngeluarke duet warne abang.

 

"Nah berape bungkus kamu perlu belilah. Gampang kalu soal rokok tu kecik nian urusannye," uji Mang Napi karne dapat pujian dari kantinye.

Sumber: