Nak Dipuji

PANGKALAN BALAI, HARIANBANYUASIN.COM -Zaman mak ini hari, segale urang hampir buntu gale. Tapi Wak Barab Cs Mak lame tula, buntu dak buntu maseh ceria. Karne ape lagi nak dipikir ke, beras ade, lauk ade di rumah.

 

"Ai lapang rombongan ni, pecaknye lah dapat lokak pagi ni. Mati nian melawannye. Cube berasan dulu beli ke rokok," uji bang Napi sambel merengut.

 

Rupenye urang kelas bang Napi maseh juge pacak buntu.

 

"Lah mang, kalu toke tu dimane-mane pasti jadi bandar, tapi ngape pagini nak berasan rokok," uji Mang Mul ngolake Mang Napi.

 

Laju agak ngambek Mang Napi dikole Mang Mul.

 

"Ais kauni, pacak pule ngoce, agek aku siram dengan Aqua ni rai mu. Kalu aku bos, dak ke nak berasan rokok," uji Mang Napi sambil megang botol Aqua.

 

Karne Mang Mul lah ngerti tabeat Mang Napi die tekikkikik tetawe.

 

Sumber: