Nak Menang Dewek

Tesenge be Wak Barab, ade benarnye juge gesa Wak Uban tu.

 

"Oh mak itu kanti ye, jangan be atinye bekarat, tepakse meli bensin, bekakas tu lah langka, sare mencarinye di pom bensin," sela Wak Barab.

 

Ahirnye Wak Uban merek saran. "Carilah kantitu yang sepadan, serasi, saling ngerti, supaye akor begesa, jadi nyambung lame pule laju begesanye," cakap Wak Uban.

 

Paham Wak Barab. "Memang ade nian kanti urangtu kapan ngomong. Amon tak aku sambil nepuk dade, amon tak tangan ini sambil nepak tangan, seolah-olah urang tegantung dengan die," kesal Wak Barab.

 

"Padahal tak tau die urangtu memang baek naseb, karne pertolongan tuhan," uji Wak Barab.

 

Harus nyadar diri uji Wak Uban.

 

"itulah kanti, yang galak mbuat kerok tu, kerok bekanti, kerok laki bini, kerok dengan adek beradek, kerok dengan urang lain," jawab Wak Uban.

 

"Jadi lemaklah kite banyak ngalah, sebab untungnye dak katek, laju mbuat urang tak setuju," nasehat Wak Uban.*

Sumber: