Nak Menang Dewek

PANGKALAN BALAI, HARIANBANYUASIN.COM - Banyak nian urang di dunie ni, nak menang dewek. Mintak dengar ke gesanye tula, gesa urang idak ditanggapinye. Jadi mak manela uji mu kanti?

 

"Kadang tu mudah nian nilai care urang, ajak be begesa," oceh Wak Barab membuka obrolan.

 

"Kapan die ngercacau mak murai batu, retinye urang tu recak. Kapan die tesenyum retinye nanggapi omongan kite, tapi kalu die merengut tandenye tak setuju," uji Wak Uban.

 

Antare percaye dengan idak Wak Barab.

 

"Kalu die begesa nak memang dewek, tak endak nengar ke omongan urang tu, kire-kire mak mane kanti, akoor dak kire-kire, nak dijadike kanti," tanya Wak Barab sambil ngisap GP.

 

Bingung dewek Wak Uban. "Kalu base urang tue dulu, namenye keras ati, bagak, nak menang dewek, munafik," simbat Wak Uban.

 

"Biasenye urang mak itu, punye penyakit ati, ape atinye korengan. Ape atinye bisulan, ape ape atinye bengkak benanah, biasenye mak itu ko," tanggap Wak Uban.

 

Sumber: