Beharap

Manggut-manggut Wak Uban nengar omongan Wak Barab.

 

"Jelang nian ko kanti, tapi kalu nyelek urangtu mudah nian mencari duet, daak sepire cuma berdagang kecik tapi duetnye banyak, pake ape lah die kanti ken," tanye Wak Uban.

 

Wak Barab berubah nak marah dengan Wak Uban.

 

"Jangan kau pandang Kecik ye kanti, tapi pandanglah carenye berjualan, jangan berfikir jahat," uji Wak Barab dengan gaya cak ustad.

 

"Karne rejeki urang tu laen-laen diturunkan tuhan, jangan nyanke urang yang idak-idak bedose kanti," nasehat Wak Barab.

 

Ngerti Wak Uban maksud Wak Barab. "Iye nian pule kanti ken, tak pacak kite nak sameke dengan rezeki urang," kate Wak Uban.

 

"Apelagi urang nenasip, idak ke susah idup nye. Kadangtu teselek urang tu dak pintar. Tapi die sabar. Lame-lame laju subur, rejeki banyak, awak sehat, idup lemak," timpal Wak Uban.

 

Langsung ditanggapi Wak Barab. "Jela nian kanti, urang sabar, urang baek, rezekinye lancar," uji Wak Barab.

Sumber: