Beharap

PANGKALAN BALAI, HARIANBANYUASIN.COM - Kalu punye duet banyak, punye rumah bedak, punye mobil bagus siape yang tak endak pastilah harapan banyak urang, karbe segalenye pacak dibeli. Jelang nian kanti.

 

"Memang nyelek keadaan urang serve ade rasenye kepingin juge kanti ko," ucap Wak Uban mak pujangga.

 

"Apelagi nyelek urang wara-wiri naek mobil, makan di restoran, kapan balek mawak ke anak makanan pastilah senang ati," uji Wak Uban memang kurang segaris.

 

Wak Barab cuma tesenge bae. "Jangan pule befikir minder kanti, urang Kaye, urang beduet," kate Wak Barab.

 

"Urang sukses tu memang benar-benar begawe keras untuk mendapatke kendaknye," tambah Wak Barab.

 

"Bukan cuma duduk manis di rumah, begawe malas, rezeki tu tak datang dewek kanti. Nak dicari," simbatnya.

 

"Kadangtu lah puntang panting kalau memang bukan rezeki maseh tak dapat tula," ucap Wak Barab sambil ngopi.

 

Sumber: