Sedang-sedang Be

"Dem alamat bakal sare dapat lokal. Makenye kalu ade rezeki dikit-dikit tu bebage, karena dalam rezeki kite ade rezeki urang laen," pesan Wak Uban.

 

Langsung Wak Barab ngangkat jempol nengar cerite Wak Uban.

 

"Ape lagi kalu ade utang, jangan ecak-ecak lupe, kadang, urang tu idak ngingatke  karne merase bekanti," ujar Wak Barab.

 

"Jadi malu nak nageh, tapi utang wajib dibayar, uji ustad, bukan uji aku," petunjuk Wak Barab.

 

Setuju nian Wak Uban. "Idupni ade takarannye kanti, ibarat dacing," celoteh Wak Uban.

 

"Kalu idak pas timbangannye pasti buntutnye tesenggit ke atas tandenye timbang kurang, kalu buntut teturun ke bawa  rerinye kelebehan," uji Wak Uban.

 

"Kapan die datar retinye seimbang, tinggal pilih nak tesenggit ape nak telenggak. Ape nak datar be," uji Wak Uban.

 

"Kalu aku mileh yang datar, idak keberatan idak juge kerenganan. Jadi sedang-sedang be," cakap Wak Barab. Sambil disengeke Wak Uban.

Sumber: