Sedang-sedang Be

PANGKALAN BALAI, HARIANBANYUASIN.COM - Kalu banyak kanti tu lemak nian, sikok negur, due negur. Mak rase hebat nian Wak Barab ni. 

 

Maklum Wak Barab idak uluk dengan gawe urang. Nak melintang, nak mujur terserah urang. Bagi Wak Barab, itu urusan urang.

 

Wak Barab termasuk banyak kanti dibandingke Wak Uban. Maklum selain ramah, Wak Barab cukup bijaksana menanggapi persoalan sosial di tengah masyarakat.

 

"Idup ni gampang kanti kalu nak lemak, kuncinye jangan usil dengan gawe urang, jangan iri dengan rezeki urang, jangan pule galak ngupat urang," kate Wak Barab.

 

"Sebab kalau iri, usil laju sempit pikiran, lokak jarang dapat, ujong-ujongnye laju buntu," nasehat Wak Barab dengan kantinye.

 

Rupenye Wak Uban lah paham ape diomongke Wak Barab.

 

"Ape lagi kalu galak nahan kiriman urang, laju tertahan pule  rezeki  kite. Lebih parah lagi kiriman urang idak disampke," kate Wak Uban.

 

Sumber: