Besak Uap

"Makenye gaya dengan penampilan tu perlu. Maklum urang tu nak mencari perhatian, supaye urang yakin bahwa die tu bos," kate Wak Barab.

 

"Padahal termos bae idak, kapan bebunyi ngajak 86. Rupenye jaring kerap juge. Besak kecik dilantaknye juge, hahaha," kelakar Wak Barab sambil nyelek ke arah mamang sikok tu di sampengnye, bergaya mak bos nian. 

 

Langsung Wak Uban ngeri agek budak sikoktu tedengar omongan Wak Barab.

 

"Kanti jangan pule kuat nian, agek didengar budak sebelahtu, laju die tesinggung, nah bakal erok kanti," uji Wak Uban dengan suare lambat.

 

"Kalu aku lemaklah ngalah kanti, dari pade ditunggunye di ujong jalan," uji Wak Uban sambil berbisik di parak kuping Wak Barab.

 

Tak setuju Wak Barab nengar omongan Wak Uban.

 

"Uji kau senior nian, hebat, kapan bebunyi segalenye gampang. Kalu urang senior tu pacak gale uy ngatasi masalah," simbat Wak Barab.

 

"Tapi kalu kau tak telawan lemaklah ngalah bae, dari pade bonyok," gaya Wak Barab cak kepakaman, padahal penakutnye minyak ampun.

Sumber: