Gawe Lemak
Wak Barab--
Pecaknye Wak Barab paham dengan Wak Uban.
"Hahai do, kepingin juge kanti sikokni, tapi sayang katek modal, karne buntu terus, kalu megang duet, laju juge barang kali," ucap Wak Barab.
Diam bae Wak Uban nengar omongan Wak Barab.
"Kalu sekali-kali bae dak masalah kanti, kalu lah bekali-kali pacak nian banyak piring terbang. Mak kanti sikoktu.
Kadang tak dibukai bini Lawang, tepakse tidok di teras, kedinginan pule," uji Wak Uban sambil noleh ke mindonye di sebelah.
"Mak mane uji mu mindo, ape benar omongan kanti kite ni. Kalu benar, kurangi dikit Mindo, agek laju tambah banyak korban perselingkuhan.
Maklum gawe tu lemak, ape lagi dimodali laju ketagihan," uji Wak Barab.
Mindo Wak Barab cume tesenge. "Idak lagi uy. Jangan dibesak-besakke, itu resie kite bae, jangan tau urang laen," uji Mindo, padahal urang lah bangak tau.*
Sumber:
- Share:
