Syukuri Be

"Kalu badan waras, ade beras, pikiran waras juge kanti, jangan sampe dapur tak berasap, runyam laju gawe tu," uji Wak Uban merase lemak idup karne baru dapat lokak.

 

Pecaknye senang nian Wak Uban Minggu kemarin tu.

 

"Yang dak pacak ngalahkenye tu cuma urang bernasib kanti, kalu Tuhan nak ningkatke martabatnye, ape be di gawenye ade hasil," kate Wak Barab.

 

"Tapi kalu urang tak benaseb, tekeringat dingin sampe bebentolan keluar keringat dari betis sampe ke rai," tambahnye.

 

"Kalu memang bukan hak kite maseh tak beruntung, sisip dikit anak ditimang jadi beruk," uji Wak Barab sambil Nlnepak kening karne ucul toman waktu nudul di rawa di dusunnye kemarin.

 

Rupenye Wak Uban tau nengar cerite urang.

 

"Itulah kanti, kalu kawan sikoktu, tak sepire, mancing betok, dapat toman. Kalu kite mancing toman dapat batang, karne tak beruntung," uji Wak Uban sambel nyeriteke pengalamannye waktu nudul, karne panceng nyangkut di batang disangkenye iwak toman besak.

 

Tesenge Wak Barab nengar omongan Wak Uban.

Sumber: