Nebus Dose

“Memang nian kanti, dose tu tak pacak ditebus, nak pake ape be. Sekalipun duet betebek, harte betumpuk percuma, kalu banyak dose," kate Mang Bas.

 

"Tapi kalu harte tadi disedekahke, deut banyak untuk nolong urang, nyumbang mesjid pacak bae kalu dapat pahale. Tapi bukan ngurangi dose,” simbat Mang Bas.

 

Seperti Wak Uban kurang paham dengan maksud Mang Bas.

 

“Kalu dose tu pacak ditebus kanti, masuk surge gale urang beduet tu," uji Wak Barab.

 

"Tapi sayang, duet banyak tadi cuma untuk beladas, ujinye nyumbang tapi dipamerke. Ujinye sedekah tapi ngomong seyap dusun, mak mane nak dapat pahale," tambahnya.

 

"Tak tau aku kalu die ade, sanak, dulor, misan, mindo atau atasan yang baek di akherat,” sindir Wak Barab.

 

 “Nak gile kau ni Rab, memangnye sanak di sane tu pacak nolong, die bae tak jelas matinye, ape masuk surge ape ke nerake," ujar Wak Uban.

 

"Makenye, siapkelah diri dari mak ini ari, kalu nak masok surge, kuncinye tinggalke yang dilarang agama, bebuat maksiat, korupsi, maling, nganiaye urang," simbat Wak Uban Lagi

Sumber: