Buaye Rawa

Langsung tesenge Wak Barab nengarnye. "Bebenar kanti," simbat Wak Barab.

 

"iasenye kalu same-same buaye tak kade saleng cium. Retinye ade kelainan. Jeruk minum jeruk retinye," uji Wak Barab sambil noleh ke Mang Idir dan Mang Aryadi.

 

Ngelakak Wak Uban tetawe nengarnye. "Makenye kalu mancing tu jangan meci ari dang  keleman, kalu ade buaye tak teselek," uji Wak Uban.

 

"Uji kite iwak besak, tau-taunye buaye rawa, dem jangan lagi kanti, jerelah manceng malam," pinta Wak Uban.

 

Laju tesenge Wak Barab nengar manceng malam.

 

"Kalu manceng cewek kamu ni, ngerti gale..idak malam, idak siang, idak terang, idak juge keleman cak kebelagaan gale," oceh Wak Barab.

 

"Tepecike ke mancing iwak, nyare dislantup buaye. Makenye kalu ade ilmu buaye jangan dibawe manceng iwak," oceh Wak Barab lagi.

 

"Bawe manceng buaye, kalu same-same buaye idak saleng mendahului, laju kwalat," tanggap Wak Barab tesenge.

Sumber: