Serbe Salah

"Kalu tak pacak merun nak dikemaneke sarap banyak di kebon tu," oceh Wak Uban.

 

"Kalu nak dialirke ke sungai agek lah pencemaran sungai pule. Nak didiamke laju jadi sarang babi, sarang buaye, nah serbe salah laju kite petani ni," rutuk Wak Uban sambil menung.

 

Kesian juge Wak Barab nengar omongan Wak Uban.

 

"Sebenarnye pemerentah tu carike solusinye, jangan cuma nyalahke rakyat kecik, laju tak pacak besawah, bekebon, beume laju," oceh Wak Barab.

 

"Kalu rakyat katek lagi yang endak bekebon, beume, besawah. Nah, pajabat pemerentah, plisi, jaksa, hakim, wartawan, LSM, pegawai laju nak makan ape, karne segalenye tak boleh," uji Wak Barab.

 

Tediam langsung Wak Uban sambil meratap.

 

"Ai kanti, bahaye laju, serte kite laju katek bukaan, anak nak sekolah, nak mayar kosan," uji Wak Uban.

 

"Kalu katek bukaan laju buntu gale, temasok negara laju bangkrut. Jangan kanti, ampun aku," uji Wak Uban mati ketakutan.*

Sumber: