Galak ke Dukun

Langsung nyambung omongan ke Wak Uban.

 

"Ape lagi kalu bedangtu bukan jalan idup kite, segeroboklah duet kite untuk bemodal dagang, kalu bukan jalan idup kite di dagang abes be modal,  cuma dapat buntung. Itulah tapakan kite nak berpikir, kanti," komentar Wak Uban.

 

Langsung ngangkat jempol Wak Barab.

 

"Itulah kanti dak pacak nak milok care urang, karne jalan idup kite laen. Makenye kalu ngukur baju tu bukan dibadan, tapi ditukangi jaet," uji Wak Uban.

 

Makenye jangan galak iri kanti sebab rezeki tu ade yang ngatur.

 

"Kalu jalan idup kite memang jadi urang tani, cukup nanam cabe tige lining, kapan panen dapat lime pikul, jadi tak pacak kita nak same jalan idup dengan urang laen," nasehat Wak Barab. 

 

Tapi ade persen dari Wak Uban.

 

"Base idup ni nak berusaha, beiktiar, bedoa, supaye ade petunjuk. Jangan bangun tidok tinggi ari, urang lah balek mantang kite baru berusap," katenye.

Sumber: