Wak ni sebenarnye lah tue, jadi gawe lame tu cuma dikenang be, maklum semakin tue semakin befikir mak mane pacak idup lemak, tidok nyenyak, makan banyak, itulah galenye.
Kapan lagi nak berubah. "Same be kanti, idak lagi nak ngeradak, malu dengan umor kite, tapi kalu selera tetap tinggi, napsu maseh ade, tapi jangan baseng peci bae," oceh Wak Uban.
Setuju nian Wak Barab. "Iye kanti ko, banyak nian rencana, nak inilah, nak itulah, tapi sayang tak kwawe lagi, cuma selera dengan angan-angan bae tinggi, kapan digawe ke berenti ditengah jalan, karne mengas," timpal Wak Barab.
BACA JUGA:Ngarapke Gajian dari Fb Pro
BACA JUGA:Tak Pacak Makan Lemak
Tesenge Wak Uban. "Supaye idup tenang, jangan nganggu urang, biar kelah urang nak malang, melintang, mujor, telunjor, kite diam be, kagek teganggu ke sarang penyengat, ape lagi penyengat itam, katek penawarnye," tanggap Wak Uban.
"Neh apejikukan, rencana nak ngambek madu repe, tesenggol ke sarang tabuan, madu tak dapat, tabuan keluar sarang, tau deweklah kau kanti, cuma tak disengatnye be," uji Wak Barab.
"Lah diomongke, kalu nak bemaen tu, selek dulu musoh, kalu musoh hebat maenke kemudi, jadi kepalak beputar, bekang yang nyetelnye," simbat Wak Uban.
BACA JUGA:Teminum Dikopi Masin
BACA JUGA:Selera Tinggi, Awak Loyo
"Dalam kanti maknanye tu, filsafat tula baru pacak ngertikenye," timpal Wak Barab.