PANGKALAN BALAI, HARIANBANYUASIN.COM - Sejak lah bepikir nak berkeluarga, ponaan Wak Uban laju merubah care. Kalu dulu selalu kene marah, kene segak, karne cuma ngadeke nyawe bae di rumah, segalenye nak ngandalke urang tue gale. Cacam ye Wak.
Rupenye mempan nasehat Wak Uban dengan ponaannye sikok tu. Mak ni ari lah mernang gawenye, lah pacak mencari duet dewek, idak lagi ngomong 'Bak mintak duet, mak nak meli rokok'.
"Mak mane kabar ponaan tu kanti, ape lah dapat lokak, ape belum. Kalu lah dapat lokak, idak lagi mendap di rumah," tanye Wak Barab dengan Sohibnye Wak Uban.
Wak Uban cume tesenge karne kantinye, peduli dengan ponaannye.
"Ai kanti budak sikoktu lah mokok nian. Pagi begawe, abes bulan gajian. Pokoknye kalu sudah gajian adeknye dapat gale bagian," jawab Wak Uban.
Milok senang juge ati Wak Barab, karne budak sikok tu lah mernang.
"Kalu dulu ye, tak mokok nian, tidok kesiangan. Makan nak lemak dewek, dikongkon tak endak, be-ari-ari ngola HP tula," ucap Wak Barab kesal.
"Kapan membuat status 'Akan Indah Pada Waktunya' hahai mak urang merenang nian," sindir Wak Barab.