Rupenye kanti Wak Barab sikok ni tak sabar lagi. "Kalu urusan perut tak pacak ditawar lagi kanti," oceh Wak Barab.
"Karne ngape daerah lain sudah dibageke, tapi di kite belum ada tande-tandenye. Jangan..jangan...," Uji Kanti Wak Barab kemarahan.
Tak tahan Wak Barab nengar omongan kantinye lah nganar.
"Dem, lalu lah pening nian kau datang ke pemerentah kite. Asak berasan mak mane carenye nak nerime bantuan," uji Wak Barab.
"Dari pade kau ngamuk dak keruan. Kamek pening nengarnye, untungke tak katek, puase laju batal. Lemaklah kite bubar bae," ajak Wak Barab.*