PANGKALAN BALAI, HARIANBANYUASIN.COM - Banyak nian urang nunggu kapan dapat bantuan dari pemerintah. Sikok berutuk, due ngomel, tige kemarahan. Sabar kanti ade bagiannya gale.
Akibat buntu selame mendap di rumah, cengki palak pening.
Duet tak katek, nak ari aye pule. Budak banyak kendak, stok beras lah tipis.
Nak bejual karet hargenye murah. Nah laju tak pacak kekalangan lah sebulan mabar ni.
Itulah omelan kanti banyak Wak Barab sambil begesa di bawah batang seris.
"Mak mane pemerentah kite ni, ujinye nak bagike sembako dengan bantuan tunai tapi lah parak ari aye maseh mak lame (Makla) tula," uji Kanti Wak Barab karne pening palak nak belanje.
Sebenarnye kesian nian Wak Barab dengan kantinye yang belum benaseb.
"Sabar kanti, kalu kagek di dusun kite ade saluran bantuan dari pemerintah, kalu maseh didata, maklum pecaknye agak rumit validasi datanye," jawab Wak Barab.