Kene Dampe

PANGKALAN BALAI, HARIANBANYUASIN.COM - Sudah lame nian Wak Barab Cs tak nengar penyaket dampe. Maklum selame tinggal di kota jarang nengar name penyakit kulit tu. Cacam cak hebat nian kanti sikokni baru denget diam di Pelembang lah lupe base dusun.

 

Nyelek mamang sikok tu ade warne abang di pingger kupingnye, Wak Barab heran, kapan ditanye rupenye penyakit kulit namenye penyakit dampe.

 

"Apa sih maksudnya penyakit dampe tu," tegur kanti Wak Barab dari Kota Plembang, padahal awak urang dusun, maklum care nak belagak tadi.

 

BACA JUGA:Banyak Dose

BACA JUGA:Awet Mude

 

Tesenge laju Cek Leha nengar pertanyaan kantinye. "Oy kantiku, ape kau lah lupe, waktu kau sudah berenang di aek pengkalan, kapan baleknye langsung belakang mu gataltu. Gara-gara balek bericik di bawah batang rengas," uji Cek Leha, cak tau nian, awak salah omongannye tak nyambung.

 

Same be Wak Uban juge tesenge nengar jawaban Cek Leha. "Nah..nah...nah, nganar gale omongan kamu bedue ni. Yang mane yang benar. Tak nyambung nian, awak same-same urang dusun," komentar Wak Uban.

 

Wak Barab juge heran baru berape taun ninggalke dusun lah lupe base dusun. "Kalu kene penyakit dampe tu, karne akibat basing-basing guling (baring) ditempat urang parnografi, dak dibasuh lagi, laju dientak dampe," jawab Wak Barab.

Sumber: