Same Buntu

PANGKALAN BALAI, HARIANBANYUASIN.COM -Sepanjang ari kemarin, Wak Uban dak berangkat dari tempat tidur. Entah ape sebabnye, sampe-sampe Wak Barab betanye dak dijawab. Ai pakam kanti sikok tu.

 

Wak Barab tediam be nyelek Wak Uban gelabak - gelubuk gelisah bebaring di lantai rumah. Miring salah, nelentang salah, ape lagi nerukup tambah salah. 

 

"Bebenar be kanti, ngape kaku mak urang Saket bangat ni, jangan - jangan kene virus dari Chine. Ati-ati be, lalu kawan dusun tetangge tu, mak itulah. Sok paginye tekabar lah nak dikuburke urang," uji Wak Barab  ambil tesenge.

 

Lantaran kecemasan nengar omongan Wak Barab, langsung Wak Uban bedenyat  betegak sambil kayang, pus-ap dengan set-ap. Ilang benar lesu Wak Uban gara-gara di takuti Wak Barab.

 

"Bebenar be kanti, ape uji kau tu, jangan nak macak-macak nakuti. Aku ni bukan kene virus, tapi kene angin awak ni Mak digebuk urang sekampung, mulai dari pitung (pinggang-red) sampe ke kepala saket gale," uji Wak Uban.

 

Langsung tesenge Wak Barab sambil mengang badan Wak Uban, ape panas ape idak.

 

"Aku yakin, kau tu bukan saket, bukan demam, ape lagi kene virus, tapi buntu, bingung nak belanje rokok, ari ni  tanggal abang," kelakar Wak Barab.

 

Sumber: