Nahanke Rase

PANGKALAN BALAI, HARIANBANYUASIN.COM -Tejonong ke sane, tejonong ke sini, keluar masuk, wara-wiri Mak setrikahan, gawe dak katek, nak makan tapi puase. Air kanti, idak keluar rumah ape?

 

Lah nahan lapar, mahan nak ngudut, nahan marah, nahan buntu, tapi Wak Barab tenang be, karne rezeki tak kemungkinan tertukar.

 

"Hallo kanti, makmane nak lebaran ni, kapan mencari lokak. Pecaknye BLT kite tak dapat, kalu nian kagek dapat THR. Kalu keduenye kecul gale, tepakse tak belanje, nahan ke buntu," uji Wak Uban saat nelpon Wak Barab.

 

Bingung Wak Barab nak nyawabnye. "Pasrah tapi tak rela be kanti," saran Wak Barab.

 

"Maklum kite ni tak jadi peritungan urang kanti, karne kite katek keluarga betaji, terime be dulu," saran Wak Barab lagi.

 

Langsung Wak Uban ngegas nengar omongan Wak Barab.

 

"Kalu tak tepat sasaran berarti melenceng. Kagek ade yang benyanyi. Inilah senjata kite kanti untuk goyangnye," oceh Wak Uban.

 

Sumber: