Saket Pinggang

PANGKALAN BALAI, HARIANBANYUASIN.COM - Kanti Wak Barab merengek sakit pinggang, lah berape  kali datang ke dukun urut, tapi maseh tak baek. Nah Wak ape be salahnye.

 

Kalu merase saket pinggang tuhan ku tulah yang tau, ape lagi kalu bangun dari tidok, mak putus rasenye pinggang kapan nak berangkat dari tempat tidok.

 

Kalu nurut Wak Barab ade due pekare sebab saket pinggang tu. Pertame akibat kurang minum, kedua ade gejala salah urat atau urat  terjepit.

 

"Cacam kanti nyembah nian aku, apelah obat saket pinggang ni, karne nganggu gawe, nak berangkat saket. Lah bejalan saket. Ape lagi nak dudok tambah mentak," uji kanti Wak Barab sambil merengek.

 

Tesenge Wak Uban nengarnye. "Makenye kanti kalu dang begawetu diatur nian, jangan asal ade kesempatan digaweke," komentar Wak Uban.

 

"Janganke saket, pacul pacak engsel pinggang," uji Wak Uban sambil tetawe.

 

Agak kurang setuju Wak Barab dengan Wak Uban.

 

Sumber: