Satu Same

PANGKALAN BALAI, HARIANBANYUASIN.COM - Mak ini ari banyak nian penyakit diidap urang mulai dari penyakit corona, penyakit demam, sampe ke penyakit ati. Nah Wak gawat laju kalu kene penyakit ati, mak mane nak ngubatinye.

 

Kalu lah sudah diterpa penyakit ati, dem susah nian mencari ubatnye. Karne timbul rase iri, tak senang dengan urang, mudah merajuk banyak lagi pengaruhnye.

 

"Makenye kite lah tue ni bersehke ati, jangan sampe kene penyakit. Jangan tambah tue tambah jadi, laju sampe akhir hayat ngidap penyakit ati," nasehat Wak Barab sambil noleh ke Wak Uban.

 

Langsung tesinggung Wak Uban nyelek kantinye noleh ke die.

 

"Jangan salah tanggap kanti, aku dak katek penyakit ati, cuma sikok penyakit ku, cuma buntu, itulah galenye," uji Wak Uban.

 

Langsung tesenge Wak Barab. "Kalu tepapar penyakit buntu dak masalah kanti, kapan dapat lokak penyakitnye ilang, kalu penyakit bagak yang susah ngilangkenye, karne same dengan penyakit ati," uji Wak Barab.

 

Pokoknye memang banyak penyakit mak ni ari. "Yang gawat tu awak lah tue, tapi maseh ngaku mude," ucap Wak Barab heran.

 

Sumber: