Akor-akor Be Kanti

Wak Barab juge tak percaye. "Mungkin salah tanggap bae, maklum kanti umor lah tue," uji Wak Barab.

 

"Tapi maseh nak ngaku mude, umor 53 dikateke 35 taun. Ujinye waras die tu kau, padahal lah gangguan jiwe, buktinye kawan baek laju jadi musoh bediam," tanggap Wak Barab.

 

Wak Uban laju tak setuju urang saleng dendam.

 

"Kalu lah bekantitu, jangan lagi nak tesinggung, walaupun perasaan emosi, tapi ati tetap dingin, lembut selembut salju," nasehat Wak Uban nak nurut Mang Mario Teguh.

 

Langsung nyeleneh Wak Barab judul lagu kaleeek. Janganke bekanti, due belaki bini bae galak ribut.

 

"Kapan tidok di amben, ade yang ngadap ke barat, ade yang ngadap ke timur. Saleng sengget buntut, saleng belakangi, tak saleng beradapan, hahaha," uji Wak Barab ngomongke pengalamannye.

 

Tesenge laju Wak Uban sambil ngelantur.

 

"Kalu lah beradapan, lah laen care pule kanti. Ape lagi dang akor, nah terbuay dalam mimpi laju," kelakar Wak Uban ambil ngabisin kopi irupan yang terakhir.*

Sumber: