Selero Tinggi

PANGKALAN BALAI, HARIANBANYUASIN.COM - Selero tinggi, awak buntu nak bergaya, utang banyak, tak endak mayar. Kapan ditageh rai masam, nak ngapak, nak merngas, nak marah. Payo bepikir kanti.

 

Kalu banyak gaya memang susah jadi urang, petantang petenteng make mobil tapi boleh minjam.

 

Make pakaian bagus boleh numpang, kapan bebunyi punye duet banyak bejuta-juta. 

 

"Nah sipat itulah kadang mbuat urang tak setuju, tapi memang itulah gaya idup urang laen-laen," ucap Wak Barab.

 

"Ade sederhana, walaupun berduit. Ade juge begaya bos tapi buntu. Nah parah lagi lah buntu. Dak katek gaya, penyegan, gawenye nak berasan tula. Dem katek ambe'an nian urang mak itu," uji Wak Barab.

 

Tetawe Wak Uban nengarnye. "Parahnye lagi, sumbar besak, idup susah, nak begaya, rokok boleh ngutang," oceh Wak Uban.

 

"Kapan bebunyi nak mencari bini baru, segale gades, jande, nak dipara'i gale. Tak tau ape ade ape idak beras di rumah. Anak bini di rumah makan ape idak," sindir Wak Uban.

 

Sumber: