Tak Endak Mayar Utang

PANGKALAN BALAI, HARIANBANYUASIN.COM - Gara-gara utang piutang laju tak seteguran, awak yang minjam duet, tapi awak dewek tak setuju waktu tageh utang. Cacam kanti ye.

 

"Mak manelah kanti urang mak itu, uji kau. Kadang tu kite tadi nak nolong karne kesian, tapi ujongnye, kite jadi jahat, jadi musoh. Jauh kedienye kanti, jangan nian betemu urang mak itu," uji Wak Uban.

 

Tesenge Wak Barab. "Itulah sifat manusie kanti. Ade yang endak mayar utang, ade yang mintak tempo. Ade juge yang marah kalu ditegeh utang. Yang parah tu, kite mak pengemis nagehnye," uji Wak Barab.

 

Setuju nian Wak Uban. "Kalu galak ngelakke utang, retinye itu same dengan nahan rezeki urang," kate Wak Uban.

 

"Jangan heran kalu selalu cugak dapat rezeki. Sare mencari duet. Susah dapat lokak. Karne rezeki kite tetahan pule," sindir Wak Uban, tak tau siape yang disindirnye.

 

Akor nian urang bedue ni begesa.

 

"Utang tu same dengan janji, kalu dak ditepati berutuk urang. Ade yang nyumpai. Ade yang berdoa jahat.

 

Sumber: