Akibat Kesengalan

PANGKALAN BALAI, HARIANBANYUASIN.COM - Kalu rai lah masam, alis nyerenggak ke atas, mate tejelit mak mate macan tu, ati-ati nian, ade bakal melayang piring atau cangkir ke depan rai. Mati mak melawannye.

 

"Ai kanti, bini siape alangke melawannye tu. Nah gawat kalu bertemu betine melawan. Jangan dijadike bini, pacak tiap ari erok bae-bae," uji Wak Uban.

 

Laju tesenge wa Barab nengar omongan Wak Uban.

 

"Bukan masalah melawan atau Idak kanti. Tapi kalu betine tu lah teseler kesengalan, jangan diagu'i, ape lagi dikenda'i, ngamuk die," uji Wak Barab.

 

Baru sadar Wak Uban kalu betine kesengalan pacak ngamuk.

 

"Oh mak itu kanti ye, aku pikir ade nian betine yang cak mak itu," simbat Wak Uban sambil noleh ke Cek Leha.

 

"Sori la yau, gua bukan perempuan kayak gitu, saya orangnya baik, sabar dan penyayang,"uji Cek Leha.

 

"Tapi kalu lah kene tempeleng sekali, aku lanjakke tige kali," uji Cek Leha cak kebelagaan bahasa Indonesia tak tepeci.

 

Langsung tediam Wak Uban.

 

"Ai kanti, bukan musoh, lebih ganas dari serigala berbulu domba repenye, bicik sikok ni. Payo bereje kite, agek anak lumpang melayang ke kening," ajak Wak Uban.*

Sumber: