Mak Hebat Dewek

PANGKALAN BALAI, HARIANBANYUASIN.COM - Kanti kau ni cak kehebatan dewek, segale persoalan dunie ni nak tau gale gale, gawe dewek bae tak keruan aguk. Lah ngape mak itu kanti!

 

Hinggenye gawe pemerintah ni katek yang baek di mate die. Ape bae dipermasalahkan, mak hebat dewek, pakam dewek, cak pintar dewek, tapi begawe tak endak.

 

"Neh kau siape be dirutu,i Wak Uban ni. Pecaknye lah tak setuju nian die dengan urang sikok tu, karne kapan nulis diberanda FB nak nyindir urang tula, mak die hebat dewek," uji Wak Barab ngomong dengan cek Leha sambil makan roti miskot direndam di dalam gelas kopi.

 

Cek Leha cuma tesenyum be, karne dianggapnye urang katek gawe.

 

"Biasenye urang galak tak keruan aguk tu, karne tak diaguk'i lagi. Jadi mintak perhatian, supaye kendaknye dapat," kate Cek Leha sambel ngunyah pempek.

 

"Padahal urang laju luat sangat," uji Cek Leha sambil ngecap rase cuke pempek.

 

Rupenye Wak Uban memang lah lame kurang setuju dengan gawe budak sikok tu.

 

Sumber: