Biawak Siser

PANGKALAN BALAI, HARIANBANYUASIN.COM - Barab Cs heran nyelek budek - budek gades di zaman mak ni belagak-belagak gale, puteh-puteh, lucu-lucu nian, padahal kalu nyelek keturunannye mak biawak siser. Cacam wak ye!

 

Wak Uban Cs ngaku nyesal lahir di zaman bingen, karne zaman dulu susah nian nak mencari gades belagek. Kalu Mak ni ari, cacam menceling gale, berseh-berseh nian.

 

"Uy kanti, budek gades mak ni ari, rate-rate belagak gale, heran aku, apelah ken sebabnye, pada hal umak baknye rai pas-pasan," simbat Wak Uban.

 

"Kadangtu wajah bae banyak tampalan, tapi kalu nyelek anaknye menceling, mak artis kepri belagak-belagaknye," uji Wak Uban.

 

Same bae, Wak Barab juge temanga, kapan nyelek budak - budak gadis di zaman mak ni ari.

 

"Itulah kanti namenye zaman lah berobah. Ape bae endak pacak dibeli, asak bae ade duet," kate Wak barab.

 

"Nak meli bedak, abang biber, minyak rum untuk awak ade gale, tapi minyak pelet lah dak tek lagi," uji Wak Barab sambel tesenge.

 

Sumber: