Galak Nganar

PANGKALAN BALAI, HARIANBANYUASIN.COM - Terharu Wak Barab nengar cerite kantinye, sejak belajar dari rumah tingkah anak kantinye tu galak nganar. Cacam wak ye.

 

Lah panjang libar Wak Barab CS cerite dengan kantinye sampe sedih nengarnye karne kelakukan anak kantinye banyak berubah sejak dak masuk sekolah ni.

 

"Kalu die di sekolah dapat ajaran langsung dari gurunye, kapan nakal dimarah guru, kapan nganar ditegur guru," uji Wak Barab saat menyampaikan isi otaknye.

 

"Jadi di sekolah budak tu tedidik nian, kalu di rumah gawenye maen game," uji kanti Wak Barab sikok tu.

 

Serius nian Wak Barab nengar omongan kantinye.

 

"Jela nian kanti, same be dengan anak kite tu, kapan bebunyi mintak duet alasannye nak meli paket, untuk belajar daring, tapi siang malam di kamar tula gawenye," simbat Wak Barab.

 

Kanti Wak Barab cuma tesenge sedih.

 

Sumber: