Galak Ngatei Urang

PANGKALAN BALAI, HARIANBANYUASIN.COM - Tak sependapat nian wak Barab dengan urang yang usil, apelagi ngantei urang, sebab awak dewek belum tentu baek, jangan - jangan lebih jahat.

 

"Kiteni instrospeksi diri kanti atau nyadar diri ape kiteni lah baek, lah bagus, jangan jangan lebih jahat dari urang, gayanye cak kepakaman," uji Wak Uban dak tau die nyindir siape.

 

Tesenge be Wak Barab. "Kalu betemu urang mak itu, bereje kanti, nak dijadike kanti ape idak," kate Wak Barab.

 

"Kalu kite nurut gawenye, retinye sebelas due belas, kalu dak dikawani retinye tak seakoran, pacaklah kite tula," simbat Wak Barab.

 

Jempol Wak Uban diancakkenye ke atas.

 

"Kate urang bijak, kalu urang galak ngatei tu, die lebih jahat dari kite, ape lagi kite lah tau tabetnye, pernah sekanti pule," senge Wak Uban.

 

Setuju Wak Barab. "Itulah kanti idup ni, nak baek dengan urang, supaye doa urang baek," timpal Wak Barab.

 

Sumber: